La programo SC-102P disponigas al vi potencan, libere distribueblan sciencan poshkalkulilon por la Palm-platformo. Aldone al la sciencaj funkcioj la kalkulilo ofertas plenan aron da logikaj operacioj kaj konvertoj inter nombrosistemoj (HEX, DEC, OCT, BIN). Precipe pro tio ghi ankau tre taugas por komputilistoj kaj programistoj. Estis atentata, ke la aspekto kaj konduto plej eble similu al vera poshkalkulilo, por ke la uzanto rapide kaj sekure sin orientu.

La programo automate alghustighas al unu- kaj multkoloraj aparatoj.

Ghi disponeblas en tri lingvaj variantoj: germane, angle kaj esperante.

• Palm-operaciumo versio 2.0 au pli
• MathLib: Tio chi estas libere disponebla dinamike bindebla biblioteko, kiu ekde Palm-operaciumo 2.0 uzeblas de chiuj Palm-programoj, kiuj bezonas matematikajn funkciojn kun duobla precizeco konforme al IEEE-754. Ghi estas distribuata lau la Biblioteka Publika GNU-Permesilo kaj estas libere disponebla kune kun dokumentaro kaj fontkodo che http://www.radiks.net/~rhuebner/mathlib.html. Ghi ne estas parto de la programo SC-102P, sed kopio de ghi enas en la arkivo por via komforto.

La arkivo SC-102P.zip (273K) enhavas la programon (versio 1.92) kaj la plenajn instrukciojn.

Plenajn instrukciojn en la angla legu chi tie.

Chi tiu programo estis kreata per Amiga-A4000-komputilo uzante la jenan programaron: Palm-SDK (versio 3.5), PRC-iloj (versio 2.0), GCC (versio 2.95.2-kgpd) kaj pilrc-2.5.c. La programo estis skribata per la mCWEB literatura programadsistemo, kiu servas kiel antautraktilo por C kaj TeX. mCWEB libere disponeblas en la Aminet che http://aminet.net/package/dev/c/mCWEB.
La programo estis testata en la jenaj aparatoj: Palm-imitilo, PalmPilot-profesia, Palm III, Palm IIIx, Palm V, Palm m105, Palm IIIc kaj Palm m505.

Historio

V1.92, 2001-12-23	Eraro pri kalkuladoj kun korektita.
V1.91, 2001-11-28	Eraro pri kalkuladoj kun kaj korektita.
V1.9, 2001-11-16	Eraro pri kalkuladoj kun PI korektita.
V1.8, 2001-09-21	Unua oficiala versio eldonita.

La autoro atingeblas per la jena retposhta adreso: Thomas Öllinger, oelli@murinsel.at